Dongeng Kewan "Macan, Singa, lan Manuk Gagak"

Ing sawijining dina, Macan lan Singa nubruk daging. Banjur padha rebutan lan kerah.

Sapa sing menang bakal entuk daging iku, mengkono karepe Macan lan Singa.

Sasuwene kerah, Macan lan Singa ngetokake getih sing akeh banget.

Merga kuwi, Singa lan Macan banjur leren sawetara.

Saking kesele, Macan lan Singa padha nglemprak turu.

Nalika padha turu, ana Manuk Gagak teka. Ndeleng ana daging lan Macan sarta Singa.

Manuk Gagak enggal-enggal marani daging, banjur digondhol lan digawa lunga.

Bareng Singa tangi, weruh daginge ilang banjur gela.

Omonge kaya mangkene,”Dhuh Gusti, saking ora geleme bebagen marang liya malah sida ora kebagean kabeh.

Mbok mau dibagi loro, adil, mesthi ora ndadekake kerah.”

Kaya sing diomongake Singa iku mau, menawa dheweke gelem mbagi daging sing dadi rerebutan mesthi bisa kebagean kabeh. Wis kelangan daging, awake Singa ya tatu kabeh merga kerah karo Macan. Rugine pindho amarga ora gelem bebagen. Mula, dadia bocamh sing seneng bebagen ben kabeh seneng. Kancane awake dhewe seneng, awake dhewe ya seneng merga akeh kanca.