Gurit
Kanggomu, Mitraku
Tan bisa
kagambarake
Bungahing ati
Kebak warna
Nalika guyon
bebarengan
Tan bisa
katulisake
Dukaning ati
Nalika kaprungu
Awakmu duka
Mitraku
Aku tetep ana
kene
Aku ora
ngendi-endi
Aku tetep setya
Setyaku dudu
mung nalika awakmu bungah
Nagging elinga
Aku tetep ana
kene uga nalika awakmu duka
Pangimpening Wengi
Yen ta aku kuwi
rahina
Anduweni
bagaskara
Kang bisa
angangeti donya
Migunani kanggo
manungsa
Ananging wus
takdirku dadi ratri
Aku duwene candra karo kartika
Kang kalorone
tan bisa aweh
Angluwihi kaya
kang diwenehake bagaskara
Gusti
Aku pracaya
nadyan aku ora anduweni bagaskara
Kang bisa
madangi donya
Nanging
Aku angrangkul
sakabehing panguripan
Kanggo ngaso
Sawise kesel ben
dinane
Ngapunten, Gusti
Yen ta mata iki
saya suwe
Saya anumpuk
dosa
Sun ngapunten,
Gusti
Yen ta lathi
iki
Saya suwe
saya anglarani ati
Sun
ngapunten, ngapunten, Gusti
Yen ta ati
iki
Panggawene
angrasani liyan
Patenana,
Gusti
Patenana yen
wus tan migunani
Musnahana
yen pancen wus tan mupangati
Gantenen
Gantenen
karo manungsa kang luwih apik
Apik raga,
saha apik pangrasa
Pamandenging
Gusti
Wengi sansaya
atis
Nalika aku
kagawa dening angenku
Angenku kang
adoh
Apa iya bakal
kalakon?
Nalika mantebing
ati iku gawe galih
Apa wae kang ana
bisa kalakon
Ora ana kang
mustahil
Kabeh, yen Gusti
kersa
Gusti bakal aweh
papenginmu
Nanging
Aja mung kokarep
pepenginmu bisa kawujud
Yen kowe wae ora
usaha
Kang kudu
dakenget
Gusti
mandeng usahamu
Dudu liyane
Tanpa
Winates
Bebasan ilining
banyu
Sabarku tansah
melu
Melu ana ngendi
wae
Samandege
Aku pracaya
Sabar kuwi tanpa
winates
Nanging tansah
piwales
Piwales becik
nalika bisa sabar
Ananging
sawalike
Piwales ala
nalika cepak nepsune
Nalika
Teka Wayahe
Urip ana donya
hamung sawetara
Aja mbo muspra
Mundhak kuciwa ana
akherat kana
Nalika wus teka
wayahe
Takonana karo
awakmu
Apa kang bakal
mbo gawa?
Iya ora liya
dudu banda
Takonana karo
awakmu maneh
Apa kang wus mbo
siyapake?
Nalika teka
wayahe sesuk
Angadhep marang
Gusti
Kang Maha Suci
